شروط عضوية الجزيره.. فيش جنائي ومساحة الشقه وتزكية الاعضاء واصول العائلة
للاشتراك في نادي الجزيره هناك شروط تم تحديدها بعيدا عن قيمة الاشتراك التي تجاوزت
عضوية الفرد: تبلغ قيمتها مليون و500 ألف جنيه مصري.
عضوية الأسرة: تبلغ قيمتها 3 ملايين جنيه مصري ،لكن هناك شروط اهم من قيمة الاشتراك هي مقابله شخصيه من بعض الاعضاء للراغب في الانضمام ،ويتم طرح اسئلة كثيره بشكل ودي مثل اصول العائلة ،عنوان السكن ومساحة البيت وسعره ،ومدارس الأبناء ومستوي التعليم بالاضافه الي تقديم فيش وتشبيه جنائي..
قال شريف سيف النصر رئيس نادي الجزيره في رساله للاعضاء المشككين في عضوية الاعضاء الجدد
اعرض ذلك لتوضيح ماذا يتم رغم تعليقات البعض الغير مدروسه و المتشككه و اللي بعضها ينطوي علي نواحي شخصيه لا تقبل التوضيح المستمر مننا اننا أمناء علي مصالح نادينا من جميع النواحي والله علي ما اقول شهيد..حيث نشر رئيس نادي الجزيره شهاده علي لسان عضو جديد
من من نادي الجزيره ٦ اكتوبر شهادته الخاصه عن طريقه حصوله علي عضويه نادي الجزيره الرياضي ٦ اكتوبر و التي نتشرف بحصوله عليها،
حيث يقول عضو النادي الجديد انا اتشرفت بالانضمام لاسرة نادي الجزيرة فرع اكتوبر من حوالي ٣ شهور ووقتها طلبوا مني فيش جنائي ليا ولزوجتي وشهادات الجامعه بتاعتنا دة غير اوراق تانية كتير وطلبوا كمان تذكية موقعه علي استمارة تقدمي من احد السادة اعضاء النادي الموجودين بالفعل وبعد استيفاء كافة الاوراق وتسلميها حددوا ليا موعد في نادي الجزيرة ( الزمالك ) انا وزوجتي لمقابلة ٢ من السادة اعضاء مجلس الادارة لما توجهت في معادي لاقيت اسمي متساب علي البوابة اني عندي موعد ودخلوني قابلت ٢ من اعضاء مجلس الادارة في مقابلة اقدر بمنتهي الامانه اوصفها انها مقابلة قوية جداً الناس سالوني انا وزوجتي عن كل حاجة ( سبب رغبتنا في الانضام للنادي – عضويتنا في اندية تانية – ساكنين فين – شغالين اية – اولادنا في مدارس اية – اصول عائلتي )
مع نقاش مش قصير في كل نقطة من دول لدرجة التطرق لتفاصيل زي مساحة بيتي وشارية بكام وتفاصيل في شغلي وطريقة ادارته ولكن دة كان بشكل ودي مش من اسئلة المقابلة اقصد علي سبيل الدردشة وان الكلام جاب بعضة
وشكروني والنادي كلمني بعد اسبوع وباركولي اني بعد دراسة الورق ومحضر المقابلة اللي تمت معايا تمت الموافقة علي عضويتي في اجتماع السادة اعضاء مجلس الادارة .. وطلبوا مني اسدد مبلغ ٤٥٠,٠٠٠ جنية قيمة الاشتراك وانا شايف ان القيمه دي كويسة جداً بالنسبه للنادي لان النادي نفسة مش مكتمل ومش مبني منه سوي ٣٠٪ واعتقد النادي لما يكتمل الامور المادية دي حتختلف خالص من حيث المبلغ وطريقة السداد طبعاً
انا شايف ان اللي حصل معايا علي سبيل المثال كافي جداً للوقوف علي حقيقة العضو الجديد ومدي احقيته في الانتساب للنادي من عدمة
احب افهم اية ممكن يتعمل اكتر من كدة ؟
0
0
Average Rating