موظفوا البريد.. لرئيس الهيئة: نحن بشر ولسنا ملائكة..واخطائنا غير مقصودة وبحسن نية ..!!

0 561

 

 

نحن بشر ولسنا ملائكة،وكثرة الخدمات ،التي تقدمها الهيئة ،تجعلنا نقع في الاخطاء،الغير مقصودة،نتيجة لضغط العمل،والزحام علي شبابيك المكاتب..،والرقابة لاترحمنا،ولاتتفهم الضغوط التي نعمل فيها،هذه كلمات الرسالة التي تعتبراستغاثة ، اطلقها عمال وموظفوا البريد للهمندس عصام الصغير رئيس الهيئة، وعبده علوان رئيس قطاع التفتيش والرقابة،عبر صفحاتهم علي مواقع التواصل الاجتماعي، حيث قالوا  احنا بنعيش اكبر حاله تحويلات للنيابه والمخالفات الجسيمه بطريقه رهيبه،والابعاد المالي،

يعني شويه كده، مش هتلاقي ،موظفين، يشتغلوا في المكاتب المالي بسبب كثره الابعادات الماليه والمخالفات الجسيمه
لان الخطا الغير مقصود بحسن نيه بقي يبعد ماليا
وبعدين حضرتك عمال تزود خدمات بطريقه رهيبه وكمان مش عايز الناس تغلط مع كل هذه الخدمات والضغط لازم الناس تغلط احنا بشر لسنا ملائكه
كده احنا هنتحول من ناس مجتهدين الي ناس عايزه تاكل عيش وخلاص
من ناس بتموت نفسها عشان تكسب الهيئه الي ناس الي بيشتغل كثير بيغلط واللي بيغلط بيموت ..!!
من ناس شعارها الشغل ثم الشغل الي ناس شعارها هي لسه الساعه مجتش 3 عشان نروح
من مبدعين الي معقدين
من مسرورين الي مغمومين
من متفائلين الي متشائمين
الناس مبقتش تفكر في الشغل كل هم الناس الان ان متتحولش  النيابه والسجن.
.هل هذه بيئه عمل لموظفين تعمل في ملايين الجنيهات..يقول

احد العاملين:.اقسم بالله احيانا كنت بروح الشغل قبل الساعة 7وافتح المكاتب المغلقة، لانى فعلا كنت بحب الشغل وخدمة الناس انا دلوقتى محول علشان خطا رصد، معنى ذلك أننا ننصح بالانتباه ،..حب نفسك اكتر من الشغل، والشغل، ما بيخلصش..ويشرح موظف اخر قائلا:

.فعلاً والله لما اكون أنا في مركز حركة واحصل جزاء على إنخفاض نسبة توزيع المكاتب، ويقول أنى اتتبعه ،طيب اتتبعه، ولا ابص للشغل الجديد، وبالفعل تتبعته، وخاطبت رئيس المجموعة والمدير، وارفقنا المستندات الدالة على ذلك، وبرده يعطينا جزاء، وحرمان، من الحافز ،يبقى حلال ولا حرام ،لما اروح من الساعة السادسة صباحا، وطول البوم، عمل وفى النهاية ،اتكافء بجزاء،
يقول موظف اخر فعلا تشتغل كتير، تغلط كتير، تتجازى ،اوتترفد، متشتغلش خالص، متغلطش خالص، تترقى، طيب ليه، حرام

. وتشتكي احدي السيدات قائلة :.يا معالي رئيس الهيئة بقالي 8سنين مبعدة ومش مختلسة لمصلحة مين دمار نفسية المظلومين ولغاية امتي…!!

وتقول سيدة اخري : الخدمات. بتزيد،  ولا فيه تعيينات جديده الشباب نفسه يشتغل، ولا فيه حتى تقدير مادى اومعنوى للناس اللى طفحانين الدم ..

احنا بنشتغل  كل حاجة ناقص
ندى حقن ونعمل علاج طبيعى ومساج
والفلوس بالقطارة
والمصائب بالقنطار والجزاءات ملهاش عدد
ومش عارفين نلم مرتبنا من كتر الجزاءات،

.شكاوي العمال والموظفين كثيرة،وهذا بعض ما رصدناه،لننقله كما هو للمسئولين ،حتي يرو ا بيئة العمل ،التي تقدم من خلالها  اهم خدمات للمواطنين،فيجب علي مسئولين الهيئة الانصات جيدا،لتك الشكاوي،وتقديم حلول لها،حتي يتمكن العامل من تادية الخدمات المقدمة للمواطن ،دون ان يتعرض للمسا لة القانونية

 

.

اترك تعليق

يرجي التسجيل لترك تعليقك

شكرا للتعليق