علاء حسانين : للقاضي.. الحكايه مش حكاية آثار ابوس ايدك عايز دقيقتين علي انفراد.. أثناء محاكمة اليوم
واصلت محكمة جنايات القاهرة، نظر جلسة محاكمة رجل الأعمال حسن راتب، وعلاء حسانين، و21 متهما آخرين في قضية الآثار الكبرى، حيث استمعت لدفاع المتهمين في القضية اليوم.
وسمحت المحكمة خلال جلسة محاكمة المتهمين في قضية الآثار الكبرى، لعلاء حسانين بالدفاع عن نفسه لمدة نحو 3 دقائق.
وقال حسانين: أقسم بالله وحياة الشهر المفترج اللي بترفع فيه الأعمال لربنا، قدمت طلبات للنيابة العامة ولم تستجب، ومن ضمن الطلبات تفريغ كاميرات المراقبة ودفتر أحوال قسم الشرطة وشهود مؤتمر تكريم مدرس في المنيا، اللي روحت عشان اعمله واتقبض عليا هناك وطلبت 42 شاهدًا لم تستمع لهم النيابة.
وتابع علاء حسانين: أنا عايز دقيقتين على انفراد اقولك على أسرار، أبوس رجليك عايز أقول كلمتين في السر.. أنا راجل وطني وسافرت أمريكا وكنت بقنع الكونجرس إن بلدنا بلد الأمن والأمان ومفيهاش تطرف والحكاية مش حكاية آثار.
وأحال النائب العام المستشار حمادة الصاوي، في وقت سابق، المتهمين علاء حسانين وحسن راتب – محبوسَيْن- و21 آخرين- جميعهم محبوسون عدا اثنين هاربين- إلى محكمة الجنايات المختصة، لاتهامهما بالاتجار في الآثار في القضية المعروفة إعلاميا بقضية الآثار الكبرى
