تفاصيل القصة التي ابكت الجميع.. طفل بيقول لأمه :ماما ربنا هياخدني امتي تعبت من الحقن.. واقعه حقيقيه لمريض سرطان من جوه ميكرباص

0 69

 

 

قصة حقيقية جعلتنا جميعا نبكي عند قراءتها، نشرتها احدي سيدات في صفحة، من صفحات التواصل الاجتماعي، حتي تعرف نعمة الصحة التي منحها المولي عزه وجل، اقرا هذه السطور.. تقول صاحبة البوست :

النهارده وانا راكبه الميكروباص واحده قاعده جمبي و معاها ابنها صغير كده عنده Cancer… ف ببص عليها لاقيتها قاعده زعلانه كده و شكلها كان تعبان و مهموم اوي….ف لاقيت ابنها عمال يهزر معاها و يقولها اضحكي و بيحاول يضحكها و هي تضحك كده (ضحكة هم)..فجأة لقيته بيقولها و هو تعبان كده ب الحرف (ماما هو انا ربنا هياخدني امتي انا تعبت من الحقن اوي) انا ف الحظه دي حسيت ان جسمي اتشل كده بأمانه صدمني..ف مامتوا قالتله لا يا حبيبي انت هتفضل معانا و مع ليله اختك اللي بتحبها…و هي عينها مدمعه كده..ف انا قعده سمعاهم ف بصتله و قولتله انت جميل اوي و كمان قمور ف ضحك كده و قالي بس شعري وقع و مبقتش قمور زي الاول…و هو عنيه مدمعه كده ف جيت امسك ايده حقيقي ايده مش باينه من الزرقان بتاع الحقن…قمت و طيت علي ايده و بوستها ف هو بص لمامته كده و هو فرحان اللي هو مستغرب اول ما بوست ايده ضحكلي كده…بعدها فضلت اهزر معاه و ضحكته و انا نزله لاقيته بيقولي ادعيلي اكون حلو و شعري يطول من تاني قولتله مش انا بس اللي هدعيلك انا هخلي الناس كلها تدعيلك علشان تفضل جميل و تبقي معانا..نزلت من الميكروباص وانت حرفياً منهاره عياط و ساعتها حسيت ان ربنا فعلاً مدينا نعمه كبيييييره اوي و هي الصحه حتي لو صحتك مش كويسه اوي بردو اشكر ربنا لان في ناس بتتمني تعيش بس علشان اهلها هيوحشوهم لما يموته
احنا معندناش مشاكل ف حياتنا
احنا معندناش هموم
احنا ف نعمة نعمة كبيره و مش حاسين بيها
في ناس بتتمني بس تعيش..بتتمني متخدش علاج
ادعو لمازن انه يعيش علشان اخته بتوحشه و هو مسافر علشان علاجه بعيد عن اهله
انا و وعدته اني هخلي الناس كلها تدعيله علشان يخف

اترك تعليق

يرجي التسجيل لترك تعليقك

شكرا للتعليق