ضحك وجد ونقد وحب.. بين الاعضاء و رئيس الصيد بعد نشره عاوز جروب أدير منه النادي
حاله بين اعضاء نادي الصيد ورئيسه المهندس عبدلله غراب تقترب من الوصف من مقطع كلامات العندليب ( ضحك وجد ونقد وحب) الاحترام والتقدير هو الصفه التي تغلف تلك العلاقه بين الجميع، ويظهر أيضا خط يقطع تلك العلاقه يرتفع فيه حدة النقد ورسائل هي أقرب من الامنيات لتحقيق طموحات واحلام الاعضاء في الوصول (ببيتهم الثاني) نادي الصيد كما يصفه الكثير الي أفضل صوره، وأحيانا يكون النقد في جروبات التواصل الاجتماعي تاخذ أشكال مختلفه، وتطالب بتحقيق الوعود، قبل إجراء الانتخابات، ومعرفة مايتم من جهود من قبل الاداره لحل المشاكل، جروبات وصفحات علي مواقع التواصل الاجتماعي دائما
تبث وتنشر مايراه اويرصده الاعضاء من داخل النادي سواء كان سلبيا او حتي إيجابي، جاء رد المهندس عبدلله غراب الوزير السابق ليرد علي تلك الجروبات قائلا : عاوز اعمل جروب علي الفيس بوك أدير منه النادي، انتقد كل كبيره وصغيره، واحل مشاكل الاعضاء كلها بلمسة اصبع، ادمن الجروب وظيفه أكثر سهوله وأكثر شهره،، والأهم انها صالحة لكل زمان مهما تغيرت المجالس،،.. قابل اعضاء نادي الصيد كلام رئيس النادي مابين مرحب ومؤيد ومنتقد، ونترك كلام الاعضاء كما هو دون ان نتدخل فيه،
يقول أحد الاعضاء :أعتقد أن قصد المهندس عبد الله هنا مش التريقة يا دكتور زاي ما حضرتك بتقول لأني واثقة إنه راجل أكبر من إنه ينزل لمستوى التريقة مع أي حد
المهندس عبد الله هنا يقصد إنه موضوع أدمن الجروب بقى حاجة مبالغ فيها لانها عديت مرحلة ان مجرد عضو عنده جروب وبيسمع لمشاكل الموظفين او العمال او حتى الأعضاء
للأسف الموضوع وصل لمرحلة ان معظم الجروبات بقيت بتستغل لصالح أعضاء مجلس او لصالح أعضاء كانت مرشحة ولم توفق او لصالح انتخابات قادمة يعني لو حضرتك الجروب مقتصر بس على عرض المشاكل نقول معلش لكن لما يوصل بمعظم الجروبات انها تبقى عبارة عن بوستات لأخبار او معلومات حاصلة في غرفة المجلس من قرارات او نقاش يبقى هنا الموضوع مش حلو ولا يتاخد بنية صافية ولما يبقى الجروب بيستغل علشان يلقح بكلام على أعضاء أخرى لمجرد وجود مشاكل شخصية ما بينهم لا تخص النادي أصلا ولا تفيد الأعضاء يبقى دي برضه حاجة غير مقبولة
يعني ما ينفعش ان يبقى أدمن جروب بيطلع يكتب مواضيع او قرار اتأخد جوه المجلس وينشره قبل ما المجلس أصلا يطلع من الغرفة هنا يبقى لازم المهندس عبد الله يضايق لان ده يدل ان في حد من اللي موجودين قاصد يسرب المعلومة قبل الاعلان عنها
وعلشان كدا انا في اللايف اللي عملته مع مدام دينا قصدت اقول يارايت أدمن الجروب قبل ما يفكروا يكتبوا او يتكلموا في موضوع يتحروا الدقة ويسمعوا جميع الأطراف ماينفعش ان علشان انت أدمن يبقى من حقك انك تدخل وتكتب وخلاص وبعدين تكتشف ان اللي طلب منك تكتب كان قايلك نص الحقيقة او إنه عنده مشكلة شخصية وقالك الموضوع من وجهة نظره وانت طبعا تدخل وتكتب وتعتبرها مشكلة لازم النادي يعرفها
أعتقد إساءة الظن ببوست المهندس عبد الله غراب وأنك لو فكرت فيه شوية حتلاقي إنه مش ترقية قد ما هو زعل وحزن ان للأسف وصل بالنادي إنه بقى يدار بطريقة مش حلوة عن طريق ناس معينة وبيستغلوا أدمن الجروب طيب انا اعرف جروب اتعمل مخصوص علشان يهاجم ناس معينة وفي عندهم أعضاء خط أحمر مهما عملوا مستحيل يكتب عنهم كلمة واحدة
عرفت بقى ليه الناس بدأت تفقد مصداقيتها في الجروبات وعرفت ليه قولتلك قبل كدا خالي بالك لأن الكلام بقى أن حتى الجروبات اللي كنا بنثق فيها بدأنا نشك إنها بتشتغل لصالح ناس معينة
وعموما انا واثقة انك حتقدر تفكر في الموضوع بشكل مختلف غير موضوع التريقة ده
ويقول عضو اخر :اولا ادمنذ الجروبات اقل ناس بتكتب و الاغلبيه بوستات من الاعضاء و مشاكلهم …تاتيا النقد البناء و حل المشاكل ساعات كتير بتساهم فيه بعض الجروبات و اخرهم مشكله التايكندو. …..الفشل الحقيقى انك تكره النقد و لللى يقولك الحقيقه و تحب بس اللى موافقك على طول الخط..
ويري فريق ثالت حيث يقول
للاسف المهندس عبدالله غراب بدل ما يمد ايده الاعضاء اللي حطوه علي كرسي الرياسه كان افضل اخ بكتير
و لو كان عمل بوست يوضح للاعضاء اللي تم من اول يوم انتخبناه فيه كان هيبقي اوقع بكتير
وعاوز اقوله يا باشمهندس انت اصبحت ادمن اعضاء النادي علي الواقع و اعتبر ان رياسه النادي دا هيا الجروب
واللي لو ربنا وفقك زي ماقلت من سنه بعد انتخابك انت واعضاء المجلس ان قدامكم فرصه ذهبيه لكتابه اسمائكم بحروف من ذهب في سجل شرف النادي
انكم تكونو اد امانه الثقه اللي اوليناهلكم بانتخابنا ليكم
و لكن للاسف الشديد خيبتم امالنا بردو حتي تاريخه يمكن شغالين في السر ولا حاجه ومحضرين لينا مفاجات
ادينا مستنيين
يبقي مين الاحسن بقي يا فندم
اكون ادمن جروب فيه ٢٠ او ٣٠ الف عضو ولا ادمن رييس نادي فيه اكتر من ١٠٠ الف عضو
مين فرصه الشهره والنجاح توقع بالنسبه لك
عموما مازلت اتمني ان حضرتك تعيد الحسابات قبل فوات الاوان
وتتواصل مع الاعضاء علي ارض الواقع
وعندك فرصه ذهبيه انت ومجلسك
وهو اقتراح انه في حاله عدم انعقاد الجمعيه العموميه بسبب عدم الوصول للعدد القانوني من الاعضاء ولا وارد
انكم تكملو الجمعيه بشكل ود ي و اهي فرصه الاعضاء تشوفكم و نسمع منكم
ما تم و ما سيتم
ويقول عضو اخر :كنت افضل بدل البوست من رئيس نادي الصيد يقلل من ادمنز الجروب و معرفتهم بكل كبيره و صغيره في النادي… انه يستعين بهم و بخبرتهم و بالثقه بينهم و بين الأعضاء…..
يكون بوست يدعوا الي التعاون معهم لمصلحه النادي خصوصا حضرتك لم تقدر علي تفيذ وعد واحد علي مدار سنه من وعودك الانتخابية…… بالعكس تماما ما حدث
