ad1
ad1

رسالة قوية لوزير التعليم من (امهات مصر)..احنا اللي داخل المطبخ واجدر الناس نشاورلك علي المشكله

0 248

 

دائما الحلول تخرج من قلب المشكله، واصحاب المعاناه هم من يملكون تقديم الوصفات السهله، مهما كان التخطيط ورؤيته لاي استراتجيه تم وضعها من قبل خبراء كبار وعظماء،الاان في النهايه كما يقال المثل الشعبي( الميه تكدب الغطاس) واللي موجودين في الميه هم اللي عارفين كل حاجه،والغطاس اللي قاعد يتكلم علي نظريات دون النزول للميه لن يصل الي اي نتائج،عشان كده اولياء امور مصر قاعدين جوه الميه،،وعايشن كل التفاصيل ،والمعاناه اللي شافوها،خلتهم يتوجعوا ويتالموا،وكمان خلتهم عندهم خبره اكبر من اي مسئول قاعد علي اي مكتب،يمكن بسهوله يكلموك عن المشاكل العمليه بسهوله اللي طبعا المسئول ،او سيادة الوزير مش شايفها ،ومش عيب ان الدكتور طارق شوقي يسمع كلام (لخبراء التجربه ) ،ومن ضمنهم اولياء امور جروب تمرد علي المناهج التعليميه،ولان الرساله قويه وسهله وفيها نصائح قيمه للوزير نتركها كما هي ،ولعل اونتمني من الوزير ان يعمل بنصائحها ..تقول الرساله:

الصورة دي مش تحدي .. والجروب ده مش معمول تحدي .. وكل جروبات اولياء الامور مش تحدي .. ده اعتراض مننا كأمهات واولياء امور ان اولادنا بيعانوا .. الجروبات دي هى اصوات صرخاتنا بنقولكوا احنا اهو عندنا مشاكل كذا وكذا .. بنمدلكوا ايدينا وبنقولكوا ساعدونا .. بنقدملكوا المشاكل على طبق من ذهب وبنقولكوا اتفضلوا تابعوا وحلوا .. كل ده اجتهاد شخصي مننا عشان نساعد بعض بلا مقابل

مينفعش يتقالنا اننا بنمارس الارهاب والضغوط .. مينفعش يتقال اننا مخربين ومهددين لمصلحة البلد
احنا مش كدة ولا احنا امهات فاضية ولا عايزين ولادنا تتدلع .. احنا امهات فاض بيهم الكيل.. بندفع في المداوعنرس وبندفع طلبات ولبس للمدارس وبندفع دروس خصوصية .. وفي الاخر مفيش مقابل

ايه نواتج التعلم عندنا !!
ايه مخرجات العملية التعليمية !!
فين مصر من التصنيف اصلا !!
التعليم عندنا شهادة بتتعلق على الحيطة
لو المناهج جيدة مكانش الوزير اتصدم السنة اللي فاتت من منهج سنة رابعة وهو بنفسه اعترف بكدة
مكانش عمل نظام جديد غير فيه كل المناهج وقال عايزين مناهج تعتمد على الابتكار والنواحي الابداعية عشان الاطفال يشعروا بمتعة التعلم

اعتراضنا مش على افكار واهداف سيادتك يا فندم
اعتراضنا على آليات التطبيق اللي ممكن تفسد اى مشروع
اعتراضنا دايما على التوقيت لو امكانياتنا مش سامحة للتطبيق حاليا يبقى ننتظر للعام القادم
اعتراضنا ان سيادتك مصدقتناش لما قولنا مش هتلحق يا فندم لان مفيش حد اتدرب ولا فيه امكانيات
اعتراضنا على التعنت والتشدد والتسرع وعدم الاستماع

وكانت النتيجة عام دراسي جديد بلا كتب
كتاب الباقة اللغات منزلش والتجريبيات استلمت الباقة بالعربي
مفيش تابلت اتسلم لطلاب اولى ثانوي ومطالبين نمتحن عليه شهر يناير ومحدش اتدرب عليه
قرارات مش في مصلحة الطالب زى المواد الممتدة مما يزيد العبء المادي والمعنوي
قرارات غير صائبة زى ان ثلاث ارباع درجة المادة بقت في ايد المعلم رغم اننا قولنا مرارا وتكرارا بلاش نكون تحت رحمة المعلم عشان منلجأش للدروس الخصوصية

مش لازم نكون خبراء ودكاترة جامعة او بتشتغل في مناصب عالية عشان نقول رأينا .. احنا فاهميين وواعيين بقدر كافي..
احنا اللي داخل المطبخ واحنا اجدر ناس نشاورلكوا على المشكلة وعلى سيادتكم الحل

كفااااية مكاتب .. كفاية شكاوى عليها ختم ودمغة .. كفاية لجان وتقارير .. جروبات اولياء الامور هي نبض الشارع المصري والصوت الحقيقي لكل ولي امر

بعتذر جدا
#تمرد_على_المناهج_التعليمية
#admin_samah_abu_bakr

اترك تعليق

يرجي التسجيل لترك تعليقك

شكرا للتعليق