ad1
ad1

تقييم وزير التربية والتعليم عام 2018.. في اول استطلاع لاولياء امور الطلاب

0 287

 

اجري جروب امهات مصر ضد المناهج التعليمية استطلاع للراي وتقيم من قبل اعضائه للدكتور طارق شوقي وزير التربية والتعليم، حيث شمل الاستطلاع حتي الان 1090 فرد من اولياء الامور، تحت عنوان( ماهو تقييمك للوزير ،) جاءت الردود مختلفة في التقيم حيث اجمع عدد كبير علي ان الوزير وضع رؤيته الجديدة بعيدة عن الواقع ،واشار عدد اخر الي ان الوزير (      …….)   وجاء تقيم عدد اخر بالتاييد لسياسة الوزير ، مابين مؤيد ومعارض لسياسات الدكتور طارق شوقي جاءت ردود مختلفة نعرض بعضها ،كما اننا حذفنا عينات كثيرة،لم يتناول تقيمها الشكل المناسب ..!! نص التقيم كما جاء في الجروب ..يقول احد الاعضاء:

يا سيدى هو ممتاز و كتير علينا و احنا مانستاهلهوش و احنا شعب جاحد و كاره النعمة يسيبنا بقي و يروح للناس اللى تقدره . يروح للناس اللى مدارسهم عشرة على عشرة من كل الزوايا و شبكة النت عندهم ممتازة و مناهجهم و مدرسينهم على كفاءة عالية لاستيعاب اسلوب تطويره لكن احنا اكتشفنا اننا مش محتاجين تطوير مناهج و بس احنا محتاجين هدم و بناء للمنظومة كلها من اول و جديد محتاجين نبدا من الصفر مش من رقم ٧ و لا ٨ زى ما هو بيعمل.

 

وتقول احدي اولياء الامور.طالما الوزير يصدر قرارات ويتراجع فيها
طالما الوزير غير ملتزم باي زمن يحدده
طالما الوزير يعلن
عن نظام دون التخطيط له جيدا ودون الاستعداد ودون دراسة
اذا فهو (          ‘ ‘ )
وطالما لا يوجد عندنا مجلس نواب يحاسب المسئول عن تقصيره
فلننتظر مزيدا من (         ) ومزيدا من الضحايا

وتقول عضوه اخري :هو اصلا ميعرفش حاجه عن الناس الغلابه ولا المدارس اللي الفصل فيهم 90طفل ولا يعرف حاجه عن ولي الأمر اللي بيحرم نفسه عشان يعلم ولاده ولا يعرف حاجه عن الهم اللي الناس عايشه فيه ،..ويقول عضو اخر

اسلوبه بيفكرني باجتماع سد النهضه و مستر ايمن نور و ابله فضيله و كل اللي له واللي مالوش ولا يفهم يعني ايه سد اصلا ولا بيفهم في هندسه السدود ولا نظم الرى ولا السياسة ولا الطيارات كان بيتكلم،

ممكن اعرف أقيمه ع أساس ايه !!!!!!!!
انه كل يوم يطلع قرارت جديده انه الى الان هو نفسه مايعرفش النظام الجديد دا هايمشى ازااااى ؟؟؟ نفسى اقرأ ف يوم تصريحات ومايغيرهاش تانى يوم
مفيش مدرس ف اى مدرسه عندنا اخد تدريب ع النظام الجديد مفيش مدير مدرسه عارف اى حاجه عن النظام الثانوية الجديد نفسى اعرف هو هايطبق ولا لااااا ولو اطبق هايطبق ازاااى نفسى حد يفهمنى حاجه فيه ..وتقول اخري :
نماذج امتحانات المدرسين نفسهم مش عارفين يحلوها تابلت مفيش امتحان ورقى يدخلوا وياخدوا الكتاب معاهم ازااااى؟؟؟ يبقى دا معناه ان الامتحان مالوش اى علاقه بالكتاب
طب قيم حضرتك سياده الوزير وقيم القرارات ال عايز يطبقها بدون اى وعى ولا دراسه وأسس او نظام او منهج  وزراه عايزه تعمل بوليكه ع حساب عيالنا

.وثالث يقول الوزير اعطاني سمكة وسكينه ،ويدي مقطوعة

اما الدردود المؤيده لسياسات الوزيروحاءت كالتالي يقول احد اولياء الامور انه

نفسه يعمل حاجه بس للأسف مينفعش فى مصر لأن التعليم باظ من زمان.. لو كان موجود من يجى ٢٠ سنه كان ممكن يكون فى أمل..واخر يقول .يمكن اول وزير عنده طموح أنه يغير حاجه

يكفي انه اقتحم مغارة هذه الوزارة …وعندما تكتمل التجربة والقضاء علي متصديها ليس من اولياء الامور الغلابه الذين لهم ابناء وتشملهم التجربة….ولكن من مافيا اشياء كثيرة من عيوب النظام القديم في التعليم….هذا الوزير شجاع وممتاز وربنا معه.

 

.ما بيعملش اللي على كيف أولياء الأمور لذلك فهو كوخة وزفت وطين التقييم للمتخصصين مش لكل من هب ودب.

 

 

اترك تعليق

يرجي التسجيل لترك تعليقك

شكرا للتعليق