ad1
ad1

بشري ساره .. فيرس كورونا علي وشك الانتهاء في مصر.. علي مسئولية مديري معهد القلب.

1 2٬878

زف الدكتور جمال شعبان مدير معهد القلب السابق خبر سار للمصريين حيث اكد ان فيرس كورونا علي وشك الانتهاء، او خلاص بينتهي حسب تعبيره اللي نشره علي حسابه الخاص، حيث قال

الحمد لله رب العالمي

الڤيروس  ظهر فى مصر بشكل رسمى من يوم ١٤ فبراير .. النهاردة ٢٧ مارس يعنى شهر و١٢ أيام ..
فترة الحضانة بتاعته من ٤ ل ١٤ يوم .. ده معناه .. أن الڤيروس عدى عليه كذا دورة كاملة
وما زالت بفضل الله أعداد المصابين والوفيات .. قليلة جدا جدا بالمقارنة ببقية الدول وبالنسبة للسيناريو اللي كان متوقع لنا

ده معناه احنا مش هنبقى زي أي دولة تانية..
الحمد لله ..
الناس ابتدأت  تهدأ شوية مش كتير
بس درجة الخوف والهلع قلت شوية ويارب درجة الاطمئنان تزيد  شوية بشوية ..
الحمدلله  …

الظواهر بتقول أن الڤيروس موجود بس مش بالشراسة والنشاط بتاعه

ليه مش نشط أوي الله أعلم ما نعرفش Nobody knows

هل هى درجة حرارة الجو .. احتمال ..

هل لأننا خدناه من قبل  كده  واكتسبنا مناعة .. جايز ..
هل هى رحمة ربنا بينا علشان احنا غلابة ..
ده أكيد
لكن فى كل الأحوال  يبقي الفضل لله والحمدلله

كلي تفاؤل إن شاءالله
بيوت الرحمن ستفتح من جديد
وكل الناس هتصلي في كل المساجد
وكل الجوامع هترجع عامرة بضيوف الرحمن
من  ناس  مصر الطيبين وترجع صلوات الجمعة والجماعة
وصوت القرآن  ه يرجع يدوي في أرجاء مصر
ومش ه يخفت أبدا
وكل الكنايس تدق اجراسها من تاني

كلي ثقة ربنا الرحمن الرحيم هيبلغنا رمضان لا فاقدين ولا مفقودين
وجميعا مصليين تروايح
ادخلوا مصر ان شاءالله امنين
الله خير حافظا وهو أرحم الراحمين
دعواتكم لينا ولكل الفرق الطبية
دعوات من القلب يا رب احرس المحروسة اللهم صل وسلم وبارك على سيدنا محمد وعلى آله وصحبه أجمعين عدد خلقه ورضا نفسه وزنة عرشه ومداد كلماته اللهم اغفر لي ولوالدي ولجميع المسلمين والمسلمات الاحياء منهم والاموات اللهم صل وسلم وبارك على سيدنا محمد وعلى آله وصحبه أجمعين عدد خلقه ورضا نفسه وزنة عرشه ومداد كلماته

  1. ربنا يكرمنا ويرفع الوباء والبلاء آممممين يارب العالمين

اترك تعليق

يرجي التسجيل لترك تعليقك

شكرا للتعليق