اولياء امور اولي ثانوي للوزير : نماذج الاسئلة في بنك المعرفة معقدة ومش عارفين ندخل علي النظام

0 538

 

ويستمر مسلسل الشكاوي ،والجميع يشعر بالظلم و الاحباط سواء اولياء الامور ،وحتي الدكتور طارق شوقي الذي خطط لنظام تعليمي جديد، يجد نفسه امام سيل من الاتهامات والمعارضه لنظامه الجديد،جعلته  يجلس في مكتبه وهو محبط ،ولكنه مصمم علي استكمال الطريق،..اما اولياء امور طلاب الصف الاول الثانوي فمن خلال صفحاتهم وجروباتهم علي التواصل الاجتماعي قالوا النماذج الموضوعه في بنك المعرفة الخاصة بالاسئلة صعبه ولم يتمكن المدرس من حلها،كما قالت احدي رواد جروب امهات مصر ضد المناهج التعليمية لم نتمكن من الدخول علي موقع بنك المعرفة،..وهذا نص الرسائل للوزير من قبل اولياء الامور قالت سيدةمن اعضاء الجروب

انا ام لطالب في اولى ثانوي امبارح مدرس الاحياء اداهم ملزمه فيها من بنك المعرفه والله انا امه وبذاكرها معاه ومعرفتش ولا سؤال ده لو امتحانات المواد كلها بهذه الطريقه ده يبقي كارثه مش تطوير..وتقول سيدة اخري بنتي نفس الموضوع امبارح كان مستر الاحياء عملهم امتحان اوبن ملزمة . حرفياً قالتلي الامتحان غريب .المدرس قالهم هي ديه هتبقي امتحانتكوا..وتقول احدي اولياء الامورتمام
يبقى ميرجعش يقول بحارب الدروس الخصوصيه
عشان المدرس اللى نزل الملزمه هو اللى هيعرف يجاوب عليها بس
و لازم الكل يجرى ورا المدرسين أكتر من الأول عشان يحاول يفهم النظام الجديد و يوصل لمعلومه تفيد ابنه..ورابعة لم تستطع الدخول علي بنك المعرفة..المشكلة اعتقد تتمركز في قنوات الاتصال مع وزارة التربية والتعليم يجب عليها ان تفتح قنوات للرد علي كل الاستفسارات ،حتي وان اشتركت في جروبات التواصل الاجتماعي ،وتعطي اجابة وافية،لتغلق باب الشائعات.

اترك تعليق

يرجي التسجيل لترك تعليقك

شكرا للتعليق