اولياء الامور: نظام الثانوية الجديد غامض ومخيف كلما عشنا فيه ازداد غموضا وازددنا نحن خوفا

0 339
  • مازالت حالة الخوف تسيطر علي طلاب واولياء امور الثانوية الجديده ،هناك حالة من الغموض في النظام الجديد، بالاضافه الي ان الوزاره حتي الان لم تستطع نقل رؤيتها في استراتجيتها الجديده في تطوير التعليم، وطمئنة الجميع بما فيهم اولياء الامور ،والطلاب ،الجميع يعيش في حالة ارتباك ،رغم حالة الهدوء التي تسود التربية والتعليم بالادوات الجديدة( التابلت والانترنت) وتتمسك بتلك الادوات التي سوف تحقق نجاح رؤيتها. واستراتيجيتها، احد مسئولي المدارس الثانوية قال لنا نحن لانعرف اي شيئ عن النظام الجديد هناك حالة غريبة لايمكن وصفها ، التعليمات التفصيليه لم تصل لنا ،بمافيها وسائل وطرق ومواعيد الامتحان..!! نفس شعور الغموض والتخبط نقله رواد جروب امهات مصر ضد المناهج التعليميه الذي وصف احد رواده تلك الحاله قائلا :نظام الثانوية غامض ومخيف كلما عشنا فيه ازداد غموضا ..وازددنا نحن خوف
  • فال عضو اخر ارجوكم قفوا جنب طلبة اولي ثانوى وانقذوهم من سجن مؤبد ٣سنين ثانويه عامه و كارثة ١٣ ماده ممتده ومفيش ملاحق ويبقي الطالب للاعاده ،،وكمان اسئله غير مسبوقه خارج كتب الوزارة والكتب
  • #رجعونا_للنظام_القديم_مش_عايزين_التطوير

احد طلاب الصف الاول الثانوي قال  من رأيى اننا لازم نعمل حاجة لكل اللى بيحصل فينا ده من اول المدرسين اللى معندهمش ضمير وبيستغلونا فى مصلحتهم يعنى انا كطالب اولى ثانوى اصحي من الساعة ٦ الصبح اقعد فى مدرسة مش بستفاد منها حاجة ووجودها زى عدمها واجى

الاقى كمية دروس بالهبل مستيانى اخلص منها على الساعة ٨ بليل وارجع البيت حرفيا ميت وتعبان ومش قادر اقوم من مكانى والمفروض انى انام بدرى عشان اصحا الساعة ٦ تانى واكرر نفس اليوم ده طول الترم واليوم الل يبقى فيه مذاكرة المذاكرة بتتلخص بس فى ساعتين او تلاته وبالكتير اوى اربع ساعات وده طبعا مش كفاية بالنسبة مثلا لناس عايزة تدخل علمى وتجيب مجاميع عالية وتخش طب او هندسة ونفس الكلام للى نفسه يخش ادبى ويجيب مجموع ويدخل كلية قمة بالنظام ده خلو كل واحد يفقد الامل فى الكلية اللى نفسه يخشها خلونا ماشيين من غير هدف كل الطموحات اللى كنا مخططين لها فى اعدادى جت دلوقتى اتبخرت بسبب نظام فاشل ومدرسين ماعندهمش ضمير لا وكمان مش راحمينا فى حكاية الامتحانات عايزينا نذاكر ونطحن نفسنا عشان مستنيانا امتحانات ، ونظام تصحيح مابيرحمش وعايزينا نكتبلهم نفس الاجابة النصية اللى فى كتاب الوزارة وفى نفس الوقت عايزينا نفكر ونطلع اجابات من دماغنا وللاسف مفيش حد بيسمع لان اسهل كلمة عندهم ماتخدش دروس واستفاد من المدرسة يعنى عايزينا نستفيد بشرح مش موجود اصلا انا من رأيى اننا ماينفعش نسكت على اللى بيحصل ده احنا مستقبلنا فى خطر واقل حاجة نعملها اننا نملى الفيس وكل مواقع السوشيال ميديا بهاشتاج لالغاء النظام وكل واحد يبلغ صحابه بالموضوع ده لغاية اما نوصله تريند يمكن يسمعونا او يحسو بالمعاناه اللى احنا فيها

اما احد اولياء الامور يستفسر عن  حقيقى أن الامتحانين الا هيمتحنهم الطالب هيتصححوا مع بعض علشان الطالب ميعرفش اذا كان هيعوض فى الامتحان اللى بعده ولا لا وبغرض أن ممكن طلاب متدخلش الامتحان التانى لو جابت مجموع حلو فى الاولانى ؟؟

اترك تعليق

يرجي التسجيل لترك تعليقك

شكرا للتعليق