ad1
ad1

امهات مصر ترد علي وزير التربيه والتعليم ..انزل وعيش معانا علي ارض الواقع

0 918

 

 

بعد مرور 3 اسابيع تقريبا علي دخول المدارس،وانتظام الطلبه في طريقهم التعليمي،كانت التوقعات من الاهالي واولياء الامور،مغايرة لما  وجدوه ،علي ارض الواقع،بعد ان داعب وزير التربيه والتعليم،احلامهم بخطة تطوير التعليم ا لجديدة، حيث ظل اولياء الامور في خيالهم ، احلام تحويل التعليم ،من افكار وهموم تلف حول اعناقهم ،وتخنقهم وتذبحهم بسكين الدروس الخصوصية،التي تلتهم ميزانية البيت المصري، وان تلك الخطة التي اعلنها الوزير سوف تنجدهم من الكوابيس المخيفة، فوجئ اولياء الامور ان ماتمناه لم يتحقق في الاسابيع الاولي من العام الدراسي،.. الاان الحقيقة تجعلنا لانتسرع في الحكم علي التجربة في ايامها الاولي ، من جانبه قال وزىر التربيه والتعليم الدكتور طارق شوقي في تصريحات صحفية ان هناك من يتربص بالوزارة ، وباستراتجية التعليم الجديدة، وان تلك القوه، الظلامية لن تسطيع ،ارغامنا علي توقف  تطوير التعليم، وايضا مافيا الدروس الخصوصية،مثل وحش الكمياء،وديناصور الجغرافيا، يقفوا امام خطة التطوير،..الاان اولياء الامور لم يقتنعوا بكلام الوزير ،وكان ردهم كما جاء من خلال بوستات ورسائل صفحة ثورة امهات مصر ضد المناهج التعليميه،والتي اكدوا فيها ان

الدروس زى ماهى ومدرسين المدرسة مافيش ضمير مابيشرحوش والسناتر شغالة من نار ،والعيال مفحوتين من المدرسة للدروس ومافيش وقت حتى للمذاكرة ، وقالت احدي

السيدات :نفسى افهم ازاى هاتقضى على الدروس الخصوصيه والمدرسين مش بيشرحوا فى الفصول ،. مستفسره ليه لغيت الملاحق . .. و  المدرسين فاتحين السناتر .. بس فين المدرسين اللى فى المدارس مش هقول اللى بيشرحوا لا يا سياده الوزير. ما فيش مدرسين اصلا. انا ابنى ف مدرسه وبنتى ف مدرسه تانيه الاتنين فصولهم مش بيدخلها مدرسين من اول الدراسه. يبقى ازاى مش عايزنا ندى دروس. يا سياده الوزير انا بنتى ف سنه من السنين قعدت ترم كامل من غير مدرس عربى ودخلت امتحان الترم عادى خالص تقدر تقولى ما نديش دروس ازاى. طيب دا عربى، اهو هنتصرف فيه ان شاء الله نشرح احنا الدرس طيب( الماث والساينس) نعمل فيهم ايه !!. حضرتك بتقول شعارات بس لكن على ارض الواقع ما فيش حاجه بدل المدرسين اللى قاعدين من غير وظايف على القهاوى ما تعمل تعينات جديده وتخلى المدارس تستفيد بيهم ،واقترحت سيدة اخري ليه كليه التربيه والخدمه الاجتماعيه ما تبقاش من كليات القمه، لان هى الاساس فى تربيه جيل كامل احنا عندنا انهيار ف كل معايير واساسيات التوظيف فى مصر. يا فندم اللى المفروض بيشتغلوا اخصائيات اجتماعيات فى منهم غير مؤهلين لارشاد الطفل من الاصل داخلين عشان المجموع. حتى المدرسين بيوفروا صحتهم عشان الدروس. من فضلك بطل احلام وانزل عيش معانا على ارض الواقع ولو حابب تعمل كدا يبقى دخل احفادك معانا مدرسه حكوميه مصريه وبعد كدا نتناقش يا سياده الوزير.

وقالت احدي اولياء الامورعندما وجد الوزير استحالة استلام التابلت للثانوية الكارثية عالاقل التيرم الاول زعم ايضا انه اعطى فرصة للطلاب حبا فيهم و لاستيعاب النظام الجديد وجعل اولى ثاونى تجربة
ولكن جعل ما يكدر صفوهم من خلال امتداد المنهج الدراسى طول العام وعدم وجود ملاحق وضرورة الحضور والتشديد عليه.لصالح من كل هذا التعسف مع طالب لا يتعدى عمره 15سنة ؟ .لصالح من يحرم من ابسط حقوقه الانسانية فى الراحة ولو بقسط صغير طوال اليوم الدراسى؟
. اولادنا فهم فلذات اكبادنا واستثمارنا الوحيد

.خطة تطورير التعليم الجميع يؤمن ،بضروريتها واهميتها وكذلك الحكومه وعلي راسها الرئيس عبد الفتاح السيسي،الذي يتمني ان تتطور مصر من خلال التعليم ،وان اصدار حكم علي تلك التجربة في ايامها الاولي يعتبر ظلم ..ولكن علي الدكتور شوقي ان يستمع للجميع ،وان يكون صدره رحب للافكار وكذلك الانتقادات  التي هي عبارة عن مراه،يظهر فيها اشياء كثيرة لن تستطيع ،رؤيتها وحدك.

اترك تعليق

يرجي التسجيل لترك تعليقك

شكرا للتعليق