اغلاق مستشفي ٥٧٣٥٧ بطنطا.. بسبب انخفاض التبرعات..( علي مسؤولية مدير مركز الحق في الدواء)
اغلاق مستشفي ٥٧٣٥٧ الخيريه.. بسبب انخفاض التبرعات..( علي مسؤولية مدير مركز الحق في الدواء)
تم إغلاق مستشفي ٥٧٣٥٧ بطنطا بسبب ازمه ماليه كبيره نتيجه انخفاض التبرعات بنسبة80%، مما ادي الي تحمل المستشفي الام، كافة المصاريف التي انخفضت من 140مليون جنيه الي 14مليون..نص الكلام :
قال محمود فؤاد المدير التنفيذي لمركز المصري الحق في الدواء علي صفحته الخاصه بمواقع التواصل الاجتماعي
كل المستشفيات الخيريه بدايه شغلها الفلوس يعني التبرعات، كلما ذادت كان في خدمه بجوده عاليه وكلما قلت كان في مشاكل تهدد بقائها .
وأضاف كل المستشفيات الخيريه الكبيره عندها مشكله من سنتين، سمعنا ان مركز د مجدي يعقوب مش قادر يدفع الكهربا ومستشفي اخر بيصرف العلاج بالتبادل شهريا ومستشفي ثالث خصص جزء اقتصادي علشان يقدر يشتغل .
وأشار الي ان المستشفيات الخيريه الكبيره بقت هدف للناس لان كل شيء متوفر فيها الدكتور مش مزوغ ولا صيدليه خاويه من الادويه ولا بق الميه بخمسه جنيه بخلاف الجوده . من ايام السيد نقيب صيادله الغربيه والسيد نقيب الاطباء وعدد من الشخصيات كتر خيرهم بنتحاور ازاي نطلع من مشكله تهدد تشغيل فرع ٥٧٣٥٧ بالتوقف .كمان في تواصل مع عدد كبير من اعضاء البرلمان والشيوخ .
مؤكدا ان السيد محافظ الغربيه وبكره في اجتماع مهم لايجاد حلول .
فرع ٥٧٣٥٧ طنطا، موضحا با المستشفي يبعد عن الام ٩٣ كيلو ومبناه مؤجر من الهلال الاحمر نظير مبلغ شهري . المستشفي به ٤٠ سرير فقط اول عن اخر وكان يتم التجهيز لاضافه ٥٠ سرير اخرين من فتره .
ل ٤٠ سرير نصفهم اطفال يأتوا من القاهره لتلقي العلاج الاسبوعي لان المستشفي لايقدم كافه الخدمات علشان الاجهزه وكده .
المستشفي فيه اكتر من ٢٠٠ طبيب وصيدلي وفيزيائي وكميائي واداري وامن بخلاف الصيانه طبعا الناس دي لازم تاخد مرتبات اخر الشهر .التبرعات قلت بنسبه ٨٠٪ اخر سنتين يعني بتحتاج ل ١٤٠ مليون سنويا والتبرعات وصلت ١٥ مليون الباقي بيدفعه فرع القاهره وطبعا ده امر صعب استمراره لان كده الفرعين هيتهددوا بالتوقف .
بالتواصل مع عدد من اعضاء مجلس الاداره شايفين الوضع صعب وان لم يصدر امر بالاغلاق النهائي حتي الان .نتمني اهالي الغربيه وغيرها ايجاد حلول واقعيه تضمن التشغيل وعلاج المرضي مش عنتريات احنا في الاخر محتاجين تبرعات اول خطوات النجاح ان المكان يصرف علي نفسه من الدائره
