ad1
ad1

.تفاصيل قصة طلب بهاءابوشقه الزواج من امراة رفض زوجها الاعتراف بها..!!

0 290

 

زوجين تزوجا عن حب وتعاون و ود ، منّ الله عليهما بطفل وكان عمره وقتئذ خمس سنوات، دب الخلاف بينها و لاحترامهما لبعضمها نتيجة حبهما اتفقا على الخروج بالمعروف ” الطلاق بدون محاكم ”

وبناء عليه قامت الزوجة بالاستعانة بى لحضور مجلسهم ( كمحام ) لضمان صحة الإجراءات والوقوف على حقوق الزوجة خصوصا أنهما كانا متزوجان عن حب و لم يكتبا قائمة منقولات زوجية وان المؤخر بسيط جداااا مساعدة من الزوجة و تجنبا لدفع مبلغ كبير للماذون!!)

وبالفعل ذهبت للمجلس وأثناء ذلك قص كل طرف عن الاخر ما لا يحسد عليه ! 🙁 وكأنهما لم يكن بينهم أولفة ومحبة :

اثناء ذلك القصص انا لم انطق بكلمة واحدة و لم احرك ساكن ! (دورى لم ياتى بعد! ولكن كنت متفق مع الزوجة واخواتها الرجال قبل الجلسة بأن اى شئ اقوله صدقوا عليه بدون تفكير)

– وفجأة قال شخص منهم نخرج بالمعروف !
– الزوج قال انا مطلقها مرة ولم اردها اصلا ! وملهاش عندى حاجة ! والمؤخر لم يتجاوز ألف جنية تشوف بقى تروح ترفع قضية بكام علشان تاخد !

وهنا تفاجات انا .. فانا لم اعرف انها مطلقة قبل ذلك وعرفت بعد كدا ان اخوتها ايضا على غير علم بموضوع الطلاق !! وعرفت ان سبب اخفاءها هذا السر هو حبها له .
بس كنت اعرف انها فى بيت اخواتها من 4 شهور ! علشان بس غضبانة من جوزها )

ولكن الزوجة قالت ردا على زوجها وبفاجعة شديدة ..ما انت رديتنى قبل ما اروح عند اهلى باسبوعين !!

هو يقول مرديتكيش وهى تقول رديتنى !!

والزوجة دخلت في بكاء هستيرى وهو بردوا يقول مرديتهاش رغم انها مأكدالى انه بيحبها بس هى اللى ضيقته فى الاخر كذا مرة.

واذ فجاة خرجت عن صمتى بدهاء المحامين الجميل فقلت بالحرف لاخواتها

( خلاص الراجل طلقها زى ما بيقول ووهى كانت عندكم من اكتر من ٤ شهور فبكدا مر على طلاق اختكم اكثر من 3 شهور فترة العدة ويحق لها الزواج من شخص اخر ((ودلوقتى انا بطلب ايد اختكم دى منكم حالا !! )))
(الكل تنح الزوجة تنحت واخواتها تنحوا والزوج واللى معاه كذلك وهاجوا عليا انا ! :

قلتلهم مالكم يا جماعة انا مبطلبش حاجة حرام بالعكس يشرفنى جدا انى اتزوجها ويشرفنا كمان ان فلان ( الزوج ) يكون شاهد على الزواج دا :

(اخوها الكبير فهم ان فى بالى ( حيلة ) قال انا موافق ! قلتله نقرأ الفاتحة !!) بسم الله !! :]

وهنا الزوج ثااار وقالى انت مجنون ياعم انننننت !!!
تجوز مراتى ازااااى !! قلتله لا معلش دى طلقتك مش مراتك ومش بعمل حاجة حرام

-قالى لااا مراتى
-قلتله مش لسة قايل ادام الرجالة دى انك مرديتهاش” بقولها بزعيق استفزازى” !
واكملت كلامى (( لاستفزه اكثر )):. وهى عجبانى وعاوزها على سنة الله ورسوله ( بستفذه !) لانها قايلالى أنهم بيحبوا بعض اصلا 🙂

قالى لاااا دى مراتى واحترم نفسك لدفنك مكانك :

-قلتله لا انت بتكدب علشان مش عاوزلها الخير انت لسة قايل مرديتهاش ادام الرجلة دى (بزعيق استفزازى تانى )اخوا الزوج الكبير قال نفس كلمتى :

-الزوج زعق فى اخوه وقاله لاااا دى مراتى

* هنا الزوجة انفجرت فى العياط راح حضنها وقال مراتى اقسم بالله مراتى ! 🙁 وعنيه دمعت :

قلتله ربنا يباركلكم فى بعض انا كدا عملت اللى انا عاوزه 😀 وكلمة من هنا على كلمة من هنا والحمد لله روحوا مع بعض بفضل الله 😀 اثبت انها مراته وحسسته بس هاخد حبيبته ومراته فقلبه حن بفضل الله اولا واخيرا فى ثوانى
واخواتها شكرونى جداااا وكنت طاير من الفرحة على الدهاء اللى عملته 😀 ورجع زوجين لبعض وكله كان بفضل الله وتوفيقه اولا واخيرا 😀

عاوز اقول دى من اغرب القضايا أو المواقف اللى قبلتنى وزجيت بنفسي بصفتى وشخصى فيها لحلها.
وعاوز اقولكم أن الحب كل شئ فعلا فلما تلاقوه امسكوا فيه بايدكم وسنانكم مفيش احسن منه فى الدنيا 🙂
ربنا يرزقنى وإياكم الحب و الزواج الصالح و يبعد عن المتزوجين كل الشرور
هده القصة حدث بالفعل ،ورواها بهاء ابو شقه في كتابه اغرب القضايا

اترك تعليق

يرجي التسجيل لترك تعليقك

شكرا للتعليق