اعلاميه كبيره تعطي درس قاسي جدا لريهام سعيد 

0 539

الزمن الجميل دائما فيه كل شيئ حلو، حتي ناسه وأهله وخبرته، والناس اللي فيه عندهم مبادئ وأخلاق، وكلام ذوق، شوف لما اعلاميه كبير تحب تنتقد تقول ايه وتختار الفاظها ازاي، من ضمن هؤلاء اعلاميه كبيره وجهت كلام في رساله علي جروب التواصل الاجتماعي لريهام سعيد كلام كان جامد جدا، الأول صاحبة الرساله

هي آمال علام إذاعية معروفة تعمل بإذاعة صوت العرب ولها الكثير من البرامج الناجحة التي تجد صدى واسع عند جمهور الشباب ومن برامجها المميزة برنامج والبرنامج الجماهيرى المذاع على الهواء أسبوعيا بإذاعة صوت العرب مع الإعلامى المعروف أحمد شريف الذي يقدم العديد من البرامج المنوعة ومنها الذي حصل هلى الجائزة الذهبية في برامج المنوعات …قالت امال علام :

من اول امس وانا بتابع ماقالته الاستاذة ريهام سعيد بان التخين ميت وعبء علينا وعلي الدولة والعرق والعبايات ومبيتجوزوش وشكل مش حضاري  وكلام يندي له الجبين ، طبعا اصبحت تريند وكل الناس انتقدت ماقالت انتظرت انها تعتذر او تبدي اسفها لمن اسأت لهم اليوم طالعة بفيديو سمعته ولانها ياحول الله الايجو بتاعها عال جدا قالت ( ان ماحدث نتيجة للنجاح الكبيير الذي حققته وغاظ الاطباء وناس كتييير وانها بحملتها سمعت والنجاح له اعداء) اولا استاذة ريهام انت عارفة ياخريجة الجامعة الامريكية ان اعلي نسب للسمنه ف امريكا والصين ولم يذكر احد ان شكلهم مش حضاري وعدد اللي بيعانوا من السمنه ع مستوي العالم ٢مليار هل تعتقدي ان الرقم ده من البشر ميتين وعبء ع الكوكب اللي احنا بنعيش فيه ، انتظرت ان اسمع منك اعتذار لهؤلاء البشر و لم يحدث هفكرك لما مرضتي وقلتي انك كسرتي انفك واخدتي عظام الاذن ووضعتيها ف الانف وديه عملية كبييرة جدا ع فكرة حورية فرغلي قعدت سنتين تتعالج لكن انت ماشاء الله ف اسبوعين والمعجزة وان ربنا بيحبك كلنا دعينالك وتعاطفنا معاكي لو قدر لكي ان تاخدي كورتيزون كنت هتتخني غصب عنك فيه ناس مرضي وناس جيناتيك والرسالة لاتصل بهذا الشكل وانا والله لااغير منك ولا من نجاحك ولااي هري من اللي بتقوليه وفيه ناس بتعمل اضعاف الخير اللي انت بتعمليه بس الفرق انك بتتاجري بالامهم  عيب، انا حقيقي لا اشاهدك وانت الجميلة الرفيعة النموذج وممكن اتفرج ع شيماء سيف طول النهار لانها حقيقية ودمها خفيف وعمري مااخدت بالي انها تخينة وعلي فكرة اتجوزت واحد بتحبه ومطلقهاش ولا حاجة …زمان رواد الكلمة ف الاعلام قالولنا ان جملة الميكروفون مسؤلية وضمير وان قبل ان تفتح فمك فكر فيما تقول
اعتذري اعتذار صريح التخين ممكن يخس لكن اللي مترباش نعمل فيه ايه؟
اسفة لن اضع صورة لكي لانك صورة سئية للاعلامي

اترك تعليق

يرجي التسجيل لترك تعليقك

شكرا للتعليق