DFP

- Advertisement -

ad11
ad11

اعضاء صيد اكتوبر : ضرب الغلابه تحت الحزام بمقالب الزباله حرام

0 367

اعضاء صيد اكتوبر : ضرب الغلابه تحت الحزام بمقالب الزباله حرام

في رسالة تم نشرها علي مواقع التواصل الاجتماع من قبل اعضاء نادي الصيد فرع اكتوبر، ونسخه اخري جاءت لموقع تواصل، اكد الاعضاء ان ليس كل مايتم نشىره يعبر عن الحقيقة، بل هناك اشياء تستخدم باسم الفضيله، ولكن في محتواها يقصد منها ضرب ناس  غلابه ، مثل موظفين النادي، مؤكدبن بان واقعة نشر احد المواقع الاخبارية، تقرير حول مكان جمع القمامه، كان فيه ترصد بوقائع تم حلها من قبل ادارة فرع الصيد،.. من جانبنا نعرض نص الرساله التي تم رفعها علي جروبات الاعضاء، حيث تقول الرساله :

فى نادى الصيد فرع اكتوبر
مكان لجمع القمامة زى اى نادى فى جمهورية مصر العربية كلها
القمامة دى عبارة عن مخلفات المطاعم والملاعب والأعضاء وتنظيف الزرع والنجيلة وغيرة ومكانة اخر النادى من ورا من ناحية بوابة ٣ اخر الجراچ
المهم لما احنا كأعضاء بردة طلبنا من الأدارة انة يبقى المنظر العام افضل من كدة ولازم تتقفل ( حط تحت طلبنا من الأدارة مليون خط مش روحنا صورنا قبل ما نطلب وشهرنا بالصور ) الأدارة قفلت المكان فعلا بسور وباب كبير
واتعزلت المنطقة تماماً عن اى منظر سئ وفعلا اصبحنا لا نراة ولا نشم اى رائحة
يأتى اليوم وييجى فية عضوين يدخلوا مخصوص بسيارتهم الى مكان مقلب القمامة ويفتحوا الباب كمان مخصوص ويدخلوا عشان يصوروا مقلب القمامة
لية بقى مش فاهمة بجد ؟!!! اية الترصد لفرع اكتوبر بالطريقة دى انى اوصل انى اصور مكان المعروف انة مكان طبيعى للقمامة موجود فى اى نادى بمصر  وبالأخص موجود زية فى صيد الدقى وبأكتر منة كمان
وبالنسبة للتعابين والصحرا القمامة بتتشال من الجهاز مالوش علاقة بالنادى يوم بعد يوم زى اى مكان فى اكتوبر وزايد
ولو كل مكان بيلم تعابين عشان فى اكتوبر وزايد كانت الناس كلها مقعدتش فى نوادى ولا اى مكان
عيب والله اللى بيحصل
السادة أعضاء المجلس المحترمين نرجوكم تتعاملوا مع من يريد هدم كل حاجة كويسة وكل شئ ايجابى واحنا كأعضاء دائمين يوميا الحمدلله مش بنروحة زيارة مثلا مبسوطين بفرع اكتوبر الجميل الحمدلله ولو فى سلبيات والله بتتصلح قبل ما بنكتب عليها عشان كدة بنكتب الأيجابيات اكتر
وياريت كل واحد يراعى ضميرة وهو بيوصل اى خبر للأعضاء
ورجائى للأعضاء اى خبر تقرأوة على اى جروب ياريت تكونوا اتأكدتوا بنفسكم منة لأن للأسف المصالح الشخصية اصبحت تتحكم فى الضمائر عند بعض الناس الا من رحم ربى

ad4

اترك تعليق

يرجي التسجيل لترك تعليقك

شكرا للتعليق