ad1
ad1

أزمة اسعار كوافير الصيد تشعل صفحات الاعضاء

0 426

 

لم تصل الي حد الازمه، ولكنها أصبحت قضيه متداوله علي صفحات التواصل الاجتماعي لاعضاء نادي الصيد، الموضوع ببساطة ارتفاع أسعار تأجير محل الكوافير بالنادي من 35 الف جنيه الي 155الف جنيه، جاء موضوع ارتفاع الأسعار بين مؤيد ومعارض، موقع (تواصل) رصد كافة الاراء، وعرضها كما هي.. يقول أحد الاعضاء:

الناس اللي كانت عايزة الكوافير القديم يفضل.. انتهت المزايدة وارتفع الإيجار من ٣٥ الف إلى ١٥٥ الف شهريا .. تفتكروا كان بيكسب قد ايه وهايطلع الفرق من مين وكل على حسابك

ويقول عضو تاني مش فاهمه الناس زعلانه ليه ان الإيجار إرتفع .هو لو مكنش بيكسب مكنش حط الرقم ده .وهو عارف كويس انه لازم يقلل عن الأسعار اللي برا النادي وإلا محدش هايروح له .فليه الناس زعلانه ان النادي ياخد حقه وده مصلحه للنادي

ويشرح عضو ثالث :
محدش زعلان خايغين بس من رفع الاسعار اكيد لانه لازم حيرفعها والا يبقي حرامي موووت من الاول شانه شأن باقي المنافذ اللي في النادي لسه البوستات علي لابوار وبون ابيتي مبردتش

عمرو بن العاص المحل ده لاتتخيل عليه إقبال كبير جدا قد ايه . علشان كده متمسك بيه .ولو تفتكر المزايده اللي فاتت مارسيتش عليه ودفع مبلغ للي رسيت عليها المزايده علشان تسيب له المكان

 

ويشرح عضو رابع
انا طبعا معرفش حاجه عن الكوافير الحريمي ده من قريب ولا من بعيد حتي معنديش حد من الاسره بيتعامل معاه ولله الحمد انا بتكلم علي الايجار اللي رفع 5اضعاف واكيد هو ا مش عبيط مش حيحط من جيبه فلوس ولازم حيبقي علي حساب العضوات المتعاملين معاه زي ماهو حاصل في بقيه منافذ النادي اللي بترفع اسعارها بصوره مباالغ فيها جدا بدون اي ظابط او رابط من الاداره وكما يحدث في النوادي المحترمه امثال الاهلي والزمالك اللي بيلزموا المؤجرين باسعار خاصه ولصالح الاعضاء مش سايبنهم يسفحوا الاعضاء وملهمش دعوه حاجه فشل بصراحه ماحصلش في تاريخ النادي من قبل بلا قرف

 

ويقول عضو اخر انا اعرف عبده الكوافير كويس اوى انسان محترم جدا وقاللى انه وافق على المزاد ب 150 الف علشان مايقطعش عيش اللى شغالين عنده اما من ناحيه ان المبلغ كبير فهو طبعا زعلان وخايف جدا مايقدرش يسدهم انا مش عارفه ليه المزاد يوصل لكده وهو استحاله يجيب المبلغ ده من ناحيه الزياده الاداره مش هتوافق انه يزود الاسعار بصراحه الراجل صعبان عليا اوى ربنا معاه ويرزقه يارب انا بحبهم ناس كويسين اوى وشاطرين اوى عمرو بن العاص

 

اترك تعليق

يرجي التسجيل لترك تعليقك

شكرا للتعليق